మాజీ మంత్రి నారాయణ అరెస్ట్

    గత ప్రభుత్వం లో మంత్రి గా పని చేసిన టీడీపీ నేత అయిన నారాయణ విద్యా సంస్థల అధినేత నారాయణ గారిని AP కి చెందిన సి ఐ డి పోలీస్ లు హైదరాబాద్ లోని కొండాపూర్ లోని నారాయణ గారి స్వగృహం నందు మే 10 వ తారీకున అనగా మంగళవారం పోలీసులు అదుపులోకి తీసుకోవడం జరిగింది.

 ఈ అరెస్ట్ కి కారణం ప్రశ్న పత్రాల లీకేజీ విషయం లో భాగంగా, విచారణ నేపథ్యం అదుపులోకి తీసుకున్నట్టుగా సమాచారం ఉంది.

ఈ విషయం పై విచారనే కాకుండా గతం లో అమరావతి లోని రాజధాని భూముల CRDA కేసులో కూడా ఆరోపణలు ఎదుర్కొంటూనే వున్నారు.కాబట్టి ఈ నేపథ్యంలో  కూడా సీఐడీ పోలీసులు అదుపులోకి తీసుకున్నట్టు ఇప్పటివరకు వరకు ఉన్న సమాచారం.  

   

        ముఖ్యంగా నారాయణ స్కూల్ నుండే 10 వ తరగతి కి సంబంధించిన ప్రశ్న పత్రాలు లీక్ అయినట్టు ఈ మధ్య కాలంలో అంటే ఈ నెల 5 తారీఖున ఆంద్రప్రదేశ్ ముఖ్యమంత్రి జగన్మోహన్ రెడ్డి గారు వ్యాఖ్యానించారు. దీనికి సంబంధించి ఇప్పటికే తిరుపతి నారాయణ విద్యా సంస్థ కి చెందిన గిరిధర్ రెడ్డి కూడా అరెస్ట్ అవడం జరిగింది. ఈ గిరిధర్ రెడ్డి వాట్సాప్ నుండి తెలుగు పేపర్ వివిధ వ్యక్తులకు చేరవేసినట్టు కూడా సమాచారం ఉండడంతో ఇప్పటికే  చిత్తూరు జిల్లా CID అధికారులు కేసు కూడా నమోదు చేశారు.

   

  అదేవిధంగా ఈ రోజు ఉదయం నారాయణ విద్యా సంస్థలు అధిపతి అయిన నారాయణ గారిని హైదరాబాద్ కొండాపూర్ నుంచి అరెస్ట్ చేసి చిత్తూర్ CID కార్యాలయానికి తరలించినట్టు తెలిసింది., హైదరాబాద్ నుండి మహబూబ్ నగర్, కర్నూల్ మీదుగా నారాయణ ని తరలిస్తున్నారు.

విద్యా సంస్థ పై కేసు : 

నారాయణ విద్య సంస్థల పై చిత్తూర్ జిల్లా వన్ టౌన్ పోలీస్ స్టేషన్ లో FIR NO.111/2022 క్రింద కేసు కూడా నమోదు అవడం జరిగింది. అదే విధంగా కృష్ణా జిల్లా మండవల్లి పోలీస్ స్టేషన్ లో కూడా ఈ నెల 2 వ తారీఖున FIR NO.141/2022 క్రింద కేసు నమోదు చేశారు.ఇవ్వన్నీ కూడా మాల్ ప్రాక్టీస్ నిరోధక చట్టం IPC 408 క్రింద కేసులు నమోదు చేశారు